राजविराज (डाक्टर साथी, २४ मार्च, २०१४)
यहाँ स्थित राजविराज गजेन्द्र चौकमा वी.पी. कोइराला स्वास्थ्य बिज्ञान प्रतिष्ठानका आठौ सेमेस्टरका बिधार्थीहरुले हेल्थम्यान फिल्ड कार्यक्रमको शिलशिलामा आएको अवसरमा विश्व क्षयरोग दिवस मनाएका छन्/ यस कार्यक्रममा मैनबत्ती प्रज्ज्वलन गरिनुको साथै बिधार्थीहरुले क्षयरोग बारेमा सहजीकरण गरेका थिए/ प्रशिक्षक डा. सूर्य पराजुलीले सो अवसरमा यस बर्सको नारा “छुटेका सबै क्षयरोगका बिरामीलाई खोजौ, उपचार गरि निको पारौ” भन्ने नाराको बारेमा सान्दर्भिकता प्रस्तुत गरेका थिए/ यस कार्यक्रममा जिल्ला जनस्वास्थ्य प्रमुख बिजय कुमार झा लगायत जनस्वास्थ्य निरीक्षक रामदेव यादव, सुरक्षा निकायका व्यक्तिहरुको पनि उपस्थिति थियो/ यस कार्यक्रममा सहभागीलाई प्रशिक्षक सबिता यादववाट धन्यबाद ज्ञापन गरिएको थियो /
News Coverage
